Tere shaher se jyada kareeb hai...ye chand sitare

Ye nasha hi to hai..tera mere dil pe..jo aajkal khuli aakho se sapane bunati hu...bas tu mil jaa kahi samay k us paar..sarhado k us paar..mere aarju aur tamnnao se bhare naye jahan me...mere sapano k aasmaan me..khawbo ki udan me....tanha hai ye raasto ka safar. Bas tu saath chale to mil jaaye muze manzil kahi enhi raaho me..
Dur kahi sitaro me harroz dhundati hu mai tere chehare ko..tere shaher se bhi jyada paas ab to muze ye sitare lagate hai..mai kahi bhi jaao..kam se kam mera haath thame saath to chalate hai...esiliye to tuz se jyada us chand se muze mohobbat ho gaie hai..kam se kam tu na sahi tere bahane us chand me hi muze teri chhabi nazar aati hai..aajkal to es bahane hi muze raato ko nind aati hai..

Bas tu mera ye pagal dil apne paas rakh le..

Haal ye mere dil ka..q aisa ho raha hai...bas jaha dekhu waha.ab muze tu nazar aa raha hai..baadal ke piche chhupe dubate suraj ko jab dekha maine aaj...to laga jaise tu apni baahe failaye mere mann k suraj ko apni aagosh me sama raha hai..aaj chalati huie mere gaadi ki..khuli thi khidkiya..jab aakh lagi meri to laga jaise tu mere sirhane thandi hawa bankar mere baalo ko sahela raha hai...mandeer ki murat ko dekhkar jo maine ki ye aakhe band meri...to pata  nahi q duwa me bas tera naam aa raha hai..tu mahek hai waadiyo ki...khshboo in sard hawao ki...dur kahi kisi zeel k kinare mera mann teri baaho me titali bankar gunguna raha hai.. paheli baarish me barasati en bundo ko jab thama maine,en hatheliyo me aaj to laga chhupake se tune sab k bich aake mere haato ko chhuwa hai..mere dil ka ek armaan hai..jo muze tuz se kahena hai....bas ek khawish mere dil ki...TU YE MERA PAGAL DIL APNE PAAS RAKH LE...MERE SAARE SAPANE APNE PAAS RAKH LE.. taki muze chain ki nind aaye.kam se kam raato k sapane me to hum ek dusare k hato me haat daale mere es khawabo k jaha ko dhund paaye........

Es darde dil k badale..de de hazar khushiya unhe...

Ye pal mere gujarate nahi..aur gujara huwa kal yaad aata hai...tha wo pal hasin,ya saath tera us pal me hona....ab to muze har pal me wo gujara huwa kal yaad aata hai..duniya ki bhid me bas dhundati hu tera chehara..ki kahi mere raaste ki bich waali gali me tu muz se takara  jaaye...hai halat mere dil ki aisi...ki lagata har raasta chhod du..tuz tak pahochne waale har raaste ko mai apni taraf mod du..tu kahe to har sitare ko todkar es nile aasmaan me bas tera naam likh du..jannet kaha maangi thi maine..es dil ne to bas tera saath manga hai..roshni kaha mangi thi maine.. es dil ne to bas tere chehare ka noor manga hai....wo kahete hai bas ek pal ka tha saath hamara es zindagi  me... magar maine to us khuda se..tere kadamo tale zindagi ka ek bas wahi pal manga hai...agar tu mahez ek khwab hai...to maine khuda se sirf raato ki  nind maagi hai..agar tu murat hai mandir ki to....maine sirf tere kadamo me thodi si jagah maangi hai...mai kaise kahu tuz se..ki..... es dil k dard k baldale me maine khuda se,tere  liye hazar khushiya maangi hai..

Wo rahete hai aaj bhi khawabo khayalo me

Wo kahete hai aajkal unhe nind bahot aati hai....nind to hoti nahi aajkal hamari en aakho me..hume to aakho me sapano k bajay un ki yaad satati hai...ajeeb hai jindgi...kabhi na socha tha ki hum etane ulaz jaayege dil e bekarar me...kabhi jo tha haaal un k dil ka..aaj wo hamara tha..barasati en aakho me nadi ka wo kinara na tha...kabhi wo bhi na soye ho..hamare khawabo khayalo me...rahete aaj hum tanha hai...un ki yaado aur sawalo me...waqt waqt ki baat hai..ye waqt sab ko sikhata hai..kabhi the wo tanha..palake bichaye khade hamari en raaho me...ab bicha k baithe hai hum apni palake...ki kab wo aaye aur hum khud ko bhul jaaye un ki baaho ki panaho me..

Es dil ka khali tha...aaj bhi ek kona

Aajkal  to khali kamaro ki deewaro se baat hoti hai meri....zindagi ki bhag daud me chalate chalate shayad apne bich raaste me hi chhut gaye hai..kuch hum se ruth gaye hai..to kuch hume tanha chhod gaye hai..ab to es ghar ki deewaro se hi rishta ban gaya hai mera....kamare me kaid hamari yaado ki tasweer se hi rishta ban gaya hai mera..ensaano se behatar es ghar k darwaaje hai...mere aane se hi en k dil k dwar khulate hai..aur mere jaane k baad band.... wo na sahi es ghar ki khali khidkiya hi hawa rukh mere sirhane modati hai..kam se kam chhukar gujarati es kamare ki hawa to muz se pyar karati hai..warana hum to akele rah jaate..tanha so jaate.... adheri es kamare ki raat me....

Aaj fir wo raat aaie sana sitarowaali

Aaj fir se wo raat thi sitarobhari..chhukar gujatati wo thandi hawa...dur kahi aasmana chupake se muze dekhta wo poonam ka pura pura chand..bas ek baar fir yaad aaie..muze us hasin raat ki..tere kandhe pe sar rakh k dur kahi anjaan raasto par..hawa ka muz se u takaraana...mere aachal ka teri aakho ko u chhu k gujarana...dil me bas yahi ek khayal tha..aur bas yahi ek aarju..na ho ye raasta khatam..na subah ki dhoop aaye..na ho ye raat khatam..bas chalate rahe hum dono yuhi...na ho ye safar khatam..bane rahe bas ab hum hamraahi ek duje k....na chhute saath kabhi ye hamara..bas yuhi zindagi ...chalate chalAte ho jaaye khatam...waqt se ki thi us roz guzarish ye maine...tere saath mere saath nile aasmaan ki tarah rahe.....tu harroz esi mod pe muz se yuhi takaraate rahe..bas ab to gujare huye kal ki unhi galiyo me hai thikana mera..tere bin na raato ki khabar..na huwa subah ka suraj mera..mere dil k armaan se bas yahi kahena hai..tere dil ki galiyo me hi muze ab jeena marana..

Magane se tu mil jaaye...to zindagi jannet ban jaaye meri

Manga tha kabhi tuze apni har duwao maine....mangane se shayad kuch milata nahi takdir me.....bas ab to chaha hai na dhundo mai tuze ab dar bdar..bas dhundata tu fire muze apni hi raaho me...ummide kuch jyada hi thi meri tuz se..tab bhi..to khawab tutane ka sab se jyada dar mere es dil ko tha.. dil tuta hai hazar baar...fir bhi sambhalata hai ye baar baar ...bas tere laut aane k enzaar me...magane se jo mil jaaye shayad wo mohobbat nhi..ab to entazaar hai bin baadal barasati barsaat ka....ki bas tu aaye aur mai bhig jaao...es mausam ki barsaat me..mehakate jasbaat me..adhiyari raat me..ankahi baat me...beentaha teri us mohobbar me....malum hai muze ye khawb adhure..ye raate adhuri..wo baat adhuri..par zinda rahene k liye kuch galatfamiya jaruri hai..

Dur hote huye bhi tera mere khawabo me hona muze acha lagata hai

Ajib kashmkash hai es dil k..dil un k bina sabhalata nahi...hosh gawaye baithi raheti hu un ki yaad me harpal..un k bina chain es dil ko nahi...khoye rahete hum un ki yaad me..filmo me',kahaniyo me,kitabo me,suna tha..padha tha kahi us sapano k raajkumar ko..ab jaana es dil ne ki har kahani me chhipa..kitabo me apni mehbuba ko ghode pe sawar le jaata wo raajkumar asal me tumhara chehara tha...jab koie geet sunati hu to lagata hai suro me tum hote ho..jab bhi koie gazal gungunati hu to lagata hai..wo tum hi ho jo hawa ka zoka bankar mere kaano me sangeet ki nayi dhoon suna rahe ho..hai jab tuz pe etana yakin fir q teri bewafaie ka muze dar lagata hai...hai jab tu es duniya me sab se kareeb fir q tera meri duniya se dur jaane ka dar muze lagata hai...hosh jab ek pal nahi tere bina muze..fir q tere saath tanhaie madhosh hone ka jee karata hai..kaie sawalat hai mere dil me tuze lekar...jab dhundane jaao koie jawab to lagata hai...har sawal ka jawab bhi tu..zindagi jeene ki wAjah bhi tu..ek tu hi to hai saath jab jeena muze lagata hai. Ek tu hi to hai paas mere jab tere kadhe pe sar rakh k rona muze lagata hai. Ek tu hi to hai paas mere jab sitaro ko ginate huye raat ko bhul jaana muze acha lagata hai..EK TU HI TO HAI PAAS MERE JAB TERI GAIRMAUJUDGI ME TERA MERE SAPANO ME AANA MUZE ACHA LAGATA HAI..ha wo tu hi to hai..jaha muze khud ko bhulkar sirf teri yaado me rahena acha lagata hai

Es pal ko tu to ab jee le jara

Jannaja dekha jo apne ka sab seer patak patak k ro liye..dube the sab us ki yaad me jo aaj zinda n  tha..loago ki nazaro me kal ka chalata firata wo ensaan..bas ab ek laash tha...aei zindagi teri kadar nhi kisko...jeeti jee to kabhi nahi loag marane k baad murdo k liye rote hai...a zindagi muze to sabhal jara maut k pahele ab thoda jee lu jara....us maut ko to aana hi hai aaj nhi to kal..lekin us se pahele apne aaj me thoda has lu zara...kal kya patta shayad maut mera bhi darwaja khatkhataye...bas us k pahele loago k dilo me apne liye ashk bhar du zara..

Jeene ki wajah

Es kadar jalate rahe hum un ki yaad me maano diya jalato ho roshni ki talash me..jab pyas sirf ek bund paani ki thi..fir q gahere samandar me dub kar bhi mann ki pyas adhuri thi... a poonam k chand muze roshni ki talash nahi.tu bas muze mera wo sitara waapas de de..jannet khawish nahi es dil ko..tu bas es zindagi me  jeene ki ek wajah de de....

A dil bata kaise dilao unhe yakin zara..un k saath hone ka

Wo kahete hai paheli baar kuch manga unhone hum se..hum to kahete hai..harbaar,apni har duwa me hum  ne to sirf unhe manga hai. Wo ruthe hai es kadar ki..manane ki koshish me wo aur ruth jaate hai. Ab kaise unhe hum ye samazaaye ki...ki wo ruthe hum se baar baar bas esi tarah..hum to sirf unhe manana chahate hai..wo chahate hai ho bas ek hasin mulakaat..hum kaise dilaye ye yakin unhe ki..zindagi se jab se hamari mulakat huie hai..hum to har pal es dil ki mulakaat un k ruh se karwaana chahate hai..wo manate hai hume mahez ek lamha..hum har ek pal un k saath bitana chahate..

Armaan mere chehare ki muskaan ka

Dur jaate. Alag hote hum dono k raaste..dur khadi wo raahe entazaar karati hai hamara..mil jaaye hum kuch es tarah ki manzil tak pahochne ka raasta mil jaye...gaheri kali raat ko subah ki suraj ki roshni mil jaaye..dhalati sham ko chand ki roshni mil jaaye...muze mere sapano ka armaan mil jaaye...es chehare ko hasin muskaan mil jaaye...

Mann k moti

Q hota hai aisa ulza ulza raheta hai ye dil...kaise samzaao ki dil un k bina lagata nahi..na chain na sukun ab es dil kp nahi..a khuda bas rahete ho kahi to bata muze..es tute dil ko jodu kaise..apni takdir ko mai modu kaise..etane bade aasmaan me mere dil ka sitara dhundu kaise.gahere saagar me wo moti dhundu kaise....

Rangrasiya

Bas un k bina ab mann nhi lagata..bhid me bhi hoti hu akeli....chalata firata shaher bhi tanha lagata hai aajkal..jis baarish ki bundo ka hath thame bhige the hum dono kabhi..ab ye bunde aakho se baarish bankar baheti hai..ha ek baar sapano me kahi tu thamale aachal mera..mai hariyali ki chadar aodh lu aaj..tu fulo se bhar de daaman mera.. tere enzaar me palake bichaye khadi hu..tu muze muz se chura k de apni baaho ka pahera...mai bas rang jaao ab tere rang me dil pe mere ho bad teri yaado ka pahera

Mere sapano ka seetaro bhara aasmaan tu...

Wo kahete hai ki wo adhure hai hamare bina..par hum to jee na paayege un k bina..un dil me basera tha kisi aur ka..aur hamari to tanhaie me bhi bas un ki yaado ka pahera.wo zindagi ko jeena kahete hai aur hum un ki khatir maut ko gale lagana pasand karate hai..a mere dil k khuda...mere armaano k saagar..tere liye mai mai ek bund hu us paani ki..par mere liye to tu pura saagar hai..tere liye ek chhota sitara hu mai..par mereliye to tu es dil ka pura aasman hai.. sitara bhale hi tut jaaye par mai muz me samaye aasmaan ko kaise chhod du..... 

Zindagi bas es maut se kah de...hume ek pal udhhar de de

Raaste alag..manzil alag hum dono ki...dham aur mazhab k naam wo do alag raahe hum dono ki...hamari dil ki galiya fir bhi harroz guzarati hai..un ki dil ki galiyo se..un ka saath to hamara nasib na tha...lekin dur jaate un ka u moodkar hume dekhna...hamare karib aakar ye kahena.......KASH WO HASIN PAL MAI TUMHARE SAATH BITATA...hamare to un ka bas yahi kahena...ek pal me kaie sadiya jeena tha...kaise hum batate hum unhe ki kitani mohobbat hai un se...jab un k ek baar dekhne me bhi hamara har baar maut se daman chhudakar..zindagi ko apne paas rokana tha...bas ek zalak k liye..maut se sau baar ab hume ladhna tha..........

A khuda bas tu muze mere takdir se milwa de

Kahete aasmano k bhitar..suraj ki roshni me,dur kahi us barfile pahado k piche,kisi khubsoorat si jagah..jise loag jannet kahete hai..waha mere dil ka khuda raheta hai....a khuda..mere bhagwaan,alah,esanasi,ek sawal puchna hai tuz se,tu q dil banata hai..es dil ko do tukado me baatkar q..ek dil ko dusaro se alag karata hai..ab kaha dhundu mai us dil ko..kis nadi k do kinare takaraaye hum..ya khuda...jab meri takdir me bichdana likha tha..to muze us se milawaaya q..jab meri hasi me us ki khushi ka pahera tha to...dil ko etana dard dilaya q..jab kismat mere us se milana naseeb me nhi...to hatho me ye lakire banayi q..jab khawab mere tukado me tut ne hi the to meri en aakho wo hasin sapana dikhaya hi q....................

Ashko se bhare mere nayana

Aajkal q aakho se ashak bahete hai,dil tut raha ho jaise tinka tinka bankar,aadhiyo ka ye sailab,tufan ka ye kaher,q meri ruh ko tadpata hai..wo dur hai muz se..paas wo ab nhi..ye ehasaas harpal har lamha q en aakho ko rulata hai..yaaado me khoie raheti hu mai us k...mano ek din me sadiya bit gayi ho entazaar ki,q lamha lamha ye dil un k entazar me tadapata hai...a mere khuda es se khubsoorat to wo maut hai..ek baar dard deti hai..par jindagi bhar k liye chain ki nind deti hai...ye nind aajkal muze aati nhi..chain es dil ko nhi..ae mere tute khawab kam se kam...nind me to us ka saath muze deja..jindagi  na sahi...chan lamhe ka ek sapana deja...
..

Kahi to hogi wo duniya jaha tu mere paas hai

Wo sham bhi kitani khubsoorat thi..suraj ki halki halki si roshni..baadalo k piche apni kirane bikherata wo ragin aasma..dhire dhire suraj pahado ki goad me samane laga..ab wo raat bhi aaie..zilmil sitaro waali..neem k ped k piche chhipa chand dhire se muskaya....halake se us ne mere kaano me gunj sunayi...tu q roti hai pagali...ye raat to muz se bhi jyada khubsoorat hogi..baaho me bhar lenga tuze kuch wo es tarah jaise ruh ko mil jaaye khuda samandar me samaaye..nadi ki tarah..pahado ko chhuti thandi hawa ki tarah.. jami pe girati baarish ko paheli bund ki tarah....us kamare k aaiene me kaid..tumari yaado ki sundar tasweer ki tarah.....m

Chanchal mannn

Ummid mere dil ki kuch tuti es tarah ki..es tarah ki jaise tuta ho aaiena hazaar tukado me kahi...kaisi  taaveere hai ye jindagi ki..dil sabhalata bhi nhi aur dhadkane rukati bhi nhi..dil k aaieyne jab sirf us ki tasweer thi...to fir q mere hatho ki lakiro me..use kisi aur k hatho ki mehandi ka rang bane dekhna tha...

Entazaar

Ajib silsila hai jindagi ki raato ka..kabhi jo chand tha dekha un k hatho me hath daale.. aaj wo mahej ek sapana hai...ab to bas yaado me rahete hai wo hamare...aur aakhe un k entazaar me...

Ek hasi khawab

Kash khamoshi se  padh le wo nigahe hamari..nazaro se mil jaaye un ki nazare hamari....tuta tha jo khawab kabhi hamari aakho se... jud jaaye wo khawab unki aakho se..
Sapane sach ho saare...un ki hasi bas zalake chaand sitare..roshan ho mohobbat taaz k piche chhipe us chand ki tarah...ruh mil jaaye khuda..jaise sath ho koie us nile aasmaan ki tarah....

Ek hasin dasta

Labjo me kaid daasta hai wo..sapano ki hasin gali hai wo,mere anjaan raasto ki hasin manzil hai wo..hasi ki paheli gunj..khushiyo ki fuhar,baarish ki bauchar hai wo...sitarobhara aasmaan,suraj ki roshni hai wo...meri adhuri khawish...jine ki puri vajah hai wo..

Adhuri daasta

Baat adhuri, wo dasta adhuri, wo takraaye bhi us galli jaha hamara aana jana tha...waqt ki khamoshi to dekho...jo sapana dekha tha un k saath kabhi..ab koie aur un k hatho me hath daale khada tha..
Rahi wo baat adhuri,dil ki pyas adhuri,ab to hamari khamoshi me bhi adhuri saanso ka afsaana tha

Wo kahete hai ki hum bhul jaaye unhe,unhe kya pata ki hume to un k siwa kuch bhi yaad nhi,bas har taraf un k saaye hai.. hum jaha bhi jaaye,aap to harpal hamare hamsaaye hai